संकटमा कपिल शर्माः शो नचलेपछि तलब पनि आधा मात्र

मुम्बइ। द कपिल शर्मा शो निरन्तर फ्लप हुँदै गएपछि कपिल शर्माले आफ्नो पारिश्रमिक आधा घटाउनु परेको छ । कमेडियन सुनिल ग्रोवरसँग झगडा गरेपछि उनको शोको टीआरपी निरन्तर घटिरहेको छ । सोनी च्यानलले शो नै बन्द गर्ने मनस्थिति बनाएपछि शो जोगाउन कपिलले पारिश्रमिक आधा घटाएका हुन् ।
शो सुरु हुनुअघि कपिलले सोनीसँग १ सय १० करोडमा सम्झौता गरेका थिए । सुरुमा उनले शोबाट प्रतिमहिना ९ करोड कमाउँदै आएका थिए । सम्झौताअनुसार शो आगामी डिसेम्बरसम्म चल्नुपर्ने थियो तर सुनिलसँगको झगडापछि शो निरन्तर तल झर्दै जाँदा कपिलले आफ्नो पारिश्रमिक घटाउनु परेको हो ।